سابق صدر ڈاکٹر عارف علوی نے ڈسٹرکٹ بار سیالکوٹ میں خطاب کرتے ہوئے کہا کہ بانی پی ٹی آئی کے ساتھ میرا واسطہ بہت پرانا ہے۔ بانی پی ٹی آئی سے کہا ہم بند گلی میں تو نہیں چلے گئے تو کہا ں راستہ نکلے گا۔ انہوں نے کہا کہ پاکستان کے مالک صرف سویلین ہیں اور جب کوئی بند گلی میں چلا جائے تو معاملات تباہی کی طرف جاتے ہیں۔ سیاسی جماعت بناتے ہیں تو راستے نکلتا ہے۔
انہوں نے کہا کہ بانی پی ٹی آئی اس لیے کہتے ہیں آئین کے بغیر کوئی راستہ نہیں۔ بانی پی ٹی آئی کہتے ہیں بات چیت حل ہے اور معیشت بہتر ہونی چاہیے۔
یہ بھی پڑھیں:
سابق صدر نے کہا کہ شرم کی بات ہے 2 کروڑ سے زائد بچے اسکولوں سے باہر ہیں۔ یہ بھی ذہن میں رکھیں کہ پاکستان میں حادثاتی جمہوریت بنی ہے کبھی یک طرفہ فیصلہ نہ کریں۔
انہوں نے کہا کہ حقیقی آزادی خودداری سے ملتی ہے۔ وہ جیل میں رہے گا لیکن ڈیل نہیں کرے گا۔ ملک میں عبوری بحران ہے جو ختم ہو جائے گا۔ مثبت قیادت کو آنے دیں تب معاملہ چلے گا۔
عارف علوی نے کہا کہ میری بانی پی ٹی آئی سے جیل میں ملاقات ہوئی اسے کوئی خوف نہیں ہے۔ ان کو بہت سی پیشکش کی گئیں لیکن انہوں نے نہیں مانیں۔
