منصوبے کے تحت پنجاب کے اسکولوں میں طلبہ کی سکریننگ کر کے نظر اور قوت سماعت چیک کی جائے گی، کمزور قوت بصارت اور قوت سماعت والے طلبہ کو چشمے او ریپیرنگ ایڈ دی جائیں گی۔
اس حوالے سے پنجاب کے سرکاری اور نجی سکولو ں میں سکریننگ کا عمل جلد شروع کیاجائے گا،وزیراعلی پنجاب مریم نواز سے اے ٹی سکیل کے وفد نے ملاقات کی،ا سکولوں میں انٹرنیٹ سروسز اور دیگر امور پر تبادلہ خیال کیا گیا۔
ملاقات میں اسکولوں کے بچوں میں غذائی ضروریات پوری کرنے کے لئے اقدامات پر غور کیا گیا جبکہ ہیلتھ نیو ٹریشن اور دیگر اقدامات کا جائزہ لینے کے ساتھ متعلقہ ڈیپارٹمنٹ کے اشتراک کار کی ضرورت پر زور دیاگیا۔
اسکولوں کے اساتذہ کی استعداد کار میں اضافے کے لئے اقدامات پر بھی اتفاق کیا گیا،اس موقع پر وزیراعلیٰ مریم نواز نے کہا کہ پنجاب میں آٹزیم کے شکار بچوں کے لئے پہلا سرکاری اسکول لاہور میں قائم کیاجائے گا۔
عوام کی خدمت کے لئے روایتی طریقے سے ہٹ کر کام کرناچاہتی ہوں،مریم نواز نے کہا کہ نئے دور میں نئی سوچ سے ہی مثبت تبدیلی ممکن ہے، عالمی معیار کے مطابق تعلیم حاصل کرنا، ہر بچہ کا حق ہے۔
طلبہ کی غذائی ضروریات پوری کرنے کے لئے نجی اشتراک سے پیکٹ ملک پراجیکٹ شرو ع کیا جارہا ہے، انہوں نے مزید کہا کہ لاہور میں مفت ایمرجنسی وائی فائی کی سہولت دوبارہ شروع کر دی ہے۔
