سعودی ولی عہد پاکستان سے تعلقات میں انتہائی مخلص ہیں، وزیر اعظم

اسلام آباد: وزیر اعظم شہباز شریف نے کہا ہے کہ سعودی ولی عہد پاکستان سے تعلقات میں انتہائی مخلص ہیں۔

وزیر اعظم شہباز شریف نے غیر ملکی میڈیا سے بات چیت کرتے ہوئے کہا کہ پاکستان اور سعودی عرب کامیابی اور ترقی کے ساتھی ہیں۔ پاکستان اور سعودی عرب کے کئی دہائیوں پر محیط تعلقات کی دنیا میں مثال نہیں۔

انہوں نے کہا کہ پاکستان اور سعودی عرب امن اور خوشحالی میں شراکت دار ہیں۔ سعودی ولی عہد پاکستان سے تعلقات میں انتہائی مخلص ہیں۔

یہ بھی پڑھیں: 

شہباز شریف نے کہا کہ شہزادہ محمد بن سلمان نے سعودی عرب کا نقشہ بدل کر رکھ دیا ہے اور گذشتہ 8 برسوں میں سعودی ولی عہد نے مثالی کامیابیاں حاصل کیں۔ شہزادہ محمد بن سلمان نے وژن 2030 پیش کیا جو مثالی نمونہ ہے۔

انہوں نے کہا کہ شہزادہ محمد بن سلمان کی پالیسیاں مجھ سمیت تمام لیڈروں کے لیے مشعل راہ ہیں اور سعودی وزیر خارجہ کا دورہ پاکستان انتہائی نتیجہ خیز ثابت ہوا۔ پاکستان کا کوئی بھی وزیر اعظم منتخب ہو پہلا دورہ سعودی عرب کا کرتا ہے۔ پاک سعودیہ تعلقات برسوں پر محیط ہیں اور ہمارے غم و خوشی مشترکہ ہیں۔