دستاویز کے مطابق حکومت نے وفاقی ترقیاتی پروگرام کے تحت 10 ماہ میں 353 ارب روپے سے زیادہ خرچ کیے۔
رواں مالی سال پی ایس ڈی پی کے تحت 940 ارب روپے مختص کیے گئے۔ پی ایس ڈی پی منصوبوں کے لیے 508 ارب روپے جاری کیے گئے۔
رپورٹ کے مطابق وفاقی وزارتوں اور ڈویژنز کے ترقیاتی منصوبوں پر 254 ارب 75 کروڑ روپے اور نیشنل ہائی وے کے ترقیاتی منصوبوں پر 10 ماہ میں 57 ارب 70 کروڑ روپے خرچ ہوئے۔ این ٹی ڈی سی اور پیپکو کے ترقیاتی منصوبوں پر 38 ارب 80 کروڑ روپے سے زیادہ خرچ ہوئے۔
دستاویز میں بتایا گیا ہے کہ آبی وسائل کے ترقیاتی منصوبوں پر 52 ارب روپے، صوبوں، گلگت بلتستان و کشمیر کے ترقیاتی منصوبوں پر 55 ارب روپے سے زیادہ خرچ ہوئے۔
یہ بھی پڑھیں:
کابینہ ڈویژن کے منصوبوں پر 10 ماہ میں 43 ارب 56 کروڑ روپے سے زیادہ خرچ ہوئے۔
رپورٹ کے مطابق اعلی تعلیمی کمیشن کے ترقیاتی منصوبوں پر 24 ارب روپے، وزارت مکانات و تعمیرات کے ترقیاتی منصوبوں پر 10 ماہ میں 13 ارب 45 کروڑ روپے سے زیادہ خرچ ہوئے۔
