وزیراعلیٰ پنجاب کی زیرصدارت گندم کٹائی سے قبل کی صورتحال پرجائزہ اجلاس ہوا،گندم کی ریکارڈ پیداوار پر پنجاب کے کسانوں کو شاباش اور انہیں خراج تحسین پیش کیا گیا۔
مریم نواز شریف نے کہا کہ گندم کے کاشتکاروں کو حکومت پنجاب کی طرف سے ایک ہزار ٹریکٹر مفت دئیے گئے،کسان ہمارے بھائی ہیں ،مفاد کا ہر صورت تحفظ کیا جائے گا۔
دوسری جانب پنجاب میں گندم آٹا مارکیٹ کریش ہونے سے قیمت میں نمایاں کمی دیکھنے میں آئی ہے۔ایکسپریس نیوز کی رپورٹ کے مطابق سندھ سے آنے والی نئی گندم کی قیمت میں 400 روپے فی من کمی ہونے سے گندم کی قیمت 2865 سے کم ہو کر 2460 روپے ہوگئی۔
صوبے میں 20 کلو آٹے کے تھیلے کی قیمت 100 روپے کمی سے 1450 تا 1500 روپے ہوگئی،پنجاب میں گندم کی نئی فصل کی آمد چند روز بعد شروع ہوگی جس کے بعد صوبے کی غلہ منڈیوں میں گندم کی قیمت 2200 تا 2300 روپے ہونے کا امکان ہے۔
