ملک بھر میں کاروباری ہفتے کے پہلے روز فی تولہ سونے کی قیمت میں 25 سو روپے کا اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کے مطابق آج پاکستان میں فی تولہ سونا مہنگا ہوکر 2 لاکھ 40 ہزار 500 روپے کا ہوگیا۔
اسی طرح 10 گرام سونے کی قیمت میں بھی 2 ہزار 143 روپے کا اضافہ دیکھا گیا جس کے بعد نئی قیمت 2 لاکھ 6 ہزار190 روپے تک جاپہنچی۔
اس سے قبل سونے کی فی تولہ قیمت میں 1600 روپے کی کمی دیکھی گئی تھی جس کے بعد فی تولہ سونا 2 لاکھ 38 ہزار روپے کا ہو گیا تھا۔
