امن و امان کی صورتحال کے پیش نظر بلوچستان میں پبلک ٹرانسپورٹ کے حوالے سے اہم فیصلہ کر لیا گیا ہے۔
کوئٹہ میں ایڈیشنل کمشنر کی زیر صدارت پبلک ٹرانسپورٹ کے لیے سکیورٹی سے متعلق اجلاس ہوا جس میں فیصلہ کیا گیا کہ صوبے میں پبلک ٹرانسپورٹ کو صرف دن کے اوقات میں چلایا جائے گا۔
حکام کا کہنا ہے کہ بلوچستان میں دن کے اوقات میں پبلک ٹرانسپورٹ چلانے کا فیصلہ مسافروں کی حفاظت کے پیش نظر کیا گیا ہے ، اجلاس میں رات کے اوقات میں قافلے کی صورت میں ٹرانسپورٹ چلانے کی تجویز زیر غور آئی۔
واضح رہے کہ گزشتہ دنوں بلوچستان میں دہشتگردی کے پے در پے واقعات میں درجنوں افراد جاں بحق ہوئے ، جس میں صرف موسیٰ خیل میں 27 افراد کو گاڑیوں سے اتار کر قتل کیا گیا تھا۔
