جمعیت علماء اسلام کے رہنما حافظ حمد اللہ نے بانی پی ٹی آئی سے پس پردہ مذاکرات کے حوالے سے دعویٰ کیا ہے۔
ایک انٹرویو میں حافظ حمد اللہ نے کہا کہ میرے خیال میں بانی پی ٹی آئی سے بار بار رابطے ہوئے ہیں، ایک بات پر معاملہ اٹکا ہوا ہے بانی پی ٹی آئی سے مطالبہ کیا جا رہا ہے کہ 9 مئی پر قوم سے معافی مانگیں۔ بانی پی ٹی آئی کا کہنا ہے 9 مئی میں نے کیا ہی نہیں۔
انہوں نے کہا کہ میری معلومات کے مطابق بانی پی ٹی آئی باہر جانے کو تیار نہیں۔ وہ نئے الیکشن کرانے کا مطالبہ کر رہےہیں۔
حافظ حمد اللہ نے کہا کہ الیکشن میں ن لیگ، پیپلز پارٹی اور تمام پارٹیوں نے وہی کچھ کیا جو وہ کرنا نہیں چاہتے تھے۔ آپ کے خیال میں ملک میں حکومت ن لیگ کی ہے؟ پی پی کی سپورٹ حاصل ہے تو کیا ان کی حکومت ہے؟۔
ان کا مزید کہنا تھا کہ پوری پارلیمنٹ 20 منٹ میں قانون سازی کرتی ہے، کس کی طاقت کے بل بوتے پر؟ میں ان کے مینڈیٹ کو ہی تسلیم نہیں کرتا، حکومت تو کسی اور کی ہے۔
