پاکستان تحریک انصاف کے اسیر رہنما شاہ محمود قریشی نے کہا ہے کہ بھٹو کے چراغ سے آئین کو آگ لگنے جا رہی ہے، بلاول بھٹو نانا کے آئین کو آگ لگانے جا رہے ہیں۔
شاہ محمود قریشی نے کہا کہ بلاول بھٹو ترامیم کروانے کے لیے چیمپئن بنے ہوئے ہیں، یہ بلاول بھٹو کی تاریخی غلطی ہو گی،آئین ہی پاکستان کی بقا ہے۔
پی ٹی آئی رہنما کا مزید کہنا تھا کہ نامکمل نمائندگی میں ترمیم کرنا بڑی غلطی ہو گی ، میں نے بلاول بھٹو کے نام خط لکھا ہے، اس خط کا عنوان آئین کو آگ نہ لگ جائے بھٹو کے چراغ سے ہے۔
انہوں نے کہا کہ سیاستدانوں کو اپنی غلطیوں سے سیکھنا چاہیے۔ قانون سے ٹکر لینا یا قانون ہاتھ میں لینا ہماری پالیسی نہیں۔ اقتدار میں آئے تو کسی پر مقدمات نہیں بنائیں گے۔
