پی ٹی آئی سنٹرل ریجن پنجاب کے تنظیمی عہدیداران اور ونگز کا اجلاس مقامی ھوٹل میں منعقد ھوا۔
اجلاس میں سابق صدر مملکت ڈاکٹر عارف علوی نے خصوصی شرکت کی۔اجلاس میں اعظم سواتی ۔ بریگیڈر (ر) اعجاز شاہ ، ڈاکٹر عظیم الدین لکھوی ، سردار عظیم اللہ ایڈووکیٹ، زبیر کسانہ سمیت دیگر عہدیداران بھی شریک ہوئے۔
ڈاکٹر عارف علوی نے اظہار خیال کرتے ہوئے کہا کہ میں پی ٹی آئی کی تمام تنظیموں اور ورکروں کو بانی چیئرمین پی ٹی آئی کے سائفر کیس میں بری ہونے پر مبارکباد پیش کرتا ہوں۔
ملک کے موجودہ حالات کا واحد حل بات چیت میں ہے۔ن لیگ نے دو سالوں میں ہزاروں گلوں بٹ پیدا کر دیئے ہیں،رجیم چینج کے بعد کرپشن میں بے پناہ اضافہ ہوا ہے۔
انہوں نے مزید کہا کہ بانی پی ٹی آئی نے پاکستان کو ریاست مدینہ کی طرز پر چلانے کی کوشش کی،پی ٹی آئی کی حکومت کو سازش کے ذریعے ہٹایا گیا۔
