محکمہ موسمیات کے مطابق آج با لا ئی خیبر پختونخوا، شمالی بلوچستان، گلگت بلتستان، کشمیر اور ملحقہ پہاڑی علاقوں میں بارش اورپہا ڑوں پر برفباری کا امکان ہے۔
پنجاب، خیبر پختونخوا کے زیادہ ترمیدانی علا قوں اور بالائی سندھ میں دھھند چھائے رہنے کی توقع ظاہر کی گئی ہے۔
اسلام آباد اور گرد و نواح میں موسم سرد اور مطلع جزوی ابرآلود رہنے کا امکان ہے۔ پنجاب کے بیشتر اضلاع میں موسم سرد اور مطلع جزوی ابر آلود رہنے کی پیشگوئی کی گئی ہے۔ مری، گلیات اور گرد و نواح میں مطلع جزوی ابر آلود رہنے کے علاوہ بعض مقامات پر بارش اور ہلکی برفباری کی پیشگوئی کی گئی ہے۔
چترال، دیر، سوات، کو ہستان، با جوڑ، خیبر، شانگلہ، بونیر، بٹگرام، مانسہرہ اور ایبٹ آباد میں بارش اور برفباری کی توقع ہے۔ صوابی، مردان، پشاور، نوشہرہ، کوہاٹ، کرک،کرم اور وزیرستان میں ہلکی بارش ہونے کا امکان ہے۔
بلوچستان کے بیشتر اضلاع میں موسم سرد اور مطلع ابرآلود رہنے کی پیشگوئی کی گئی ہے تاہم کو ئٹہ، چمن، پشین، زیارت، قلعہ عبدا للہ، قلعہ سیف اللہ، ژوب، بارکھان، لورالائی، موسیٰ خیل، قلات، پنجگور، تربت، دالبندین، لسبیلہ اور نوکنڈی میں چند مقامات پر بارش اور برفباری کا امکان ہے۔
سندھ کے بیشتر اضلاع میں موسم سرد اورخشک رہنے کا امکان ہے۔ کشمیر اور گلگت بلتستان میں موسم شدید سرد اور مطلع ابر آلود رہنے کے علاوہ با رش اور برفباری ہونے کا امکان ہے۔
