گورنرپنجاب سردار سلیم حیدر خان کا کہنا ہے کہ عوام کی مشکلات کو کم کرنے کیلئے دن رات محنت کررہےہیں،
اپنے بیان میں انہوں نے کہا کہ پیپلزپارٹی اور ن لیگ اتحادی جماعتیں ہیں،پاکستان کی ترقی کے لیے مذاکرات بہترین راستہ ہے۔
پیپلزپارٹی کی جانب سے تاحال وفاقی کابینہ میں شمولیت کا فیصلہ نہیں ہوا،کابینہ میں شمولیت سے متعلق کوئی فیصلہ ہوا تو پیپلزپارٹی کے اجلاس میں ہوگا۔
انہوں نے مزید کہا کہ تحریک انصاف کو کوئی دیوار سے نہیں لگارہا،تحریک انصاف خود دیوار سے لگ کر دیوار کے نیچے آناچاہتی ہے،تحریک چلانے سے ملک کو فائدہ نہیں بلکہ نقصان ہوگا۔
ہتک عزت بل پر صحافی تنظیموں کی کل وزیراعلیٰ سے ملاقات ہوسکتی ہے،امید ہے کل ملاقات ہوگی تو معاملہ بہتر طریقے سے حل ہوجائےگا۔
