ڈالر سستا ہو گیا ، اسٹاک مارکیٹ میں مندی کا رجحان

ڈالر کی قیمت میں مزید کمی ، روپے کی قدر مستحکم ہو گئی ، دوسری جان پاکستان اسٹاک ایکسچینج میں مندی کا رجحان دیکھا جارہا ہے۔

بدھ کو کاروبار کے آغاز پر انٹر بینک میں ڈالر 14 پیسے سستا ہو گیا، جس کے بعد امریکی کرنسی  کی قیمت 278 روپے 16 پیسے ہو گئی۔

پیر کو کاروباری دن کے اختتام پر ڈالر کا ریٹ 278 روپے 30 پیسے پر بند ہوا تھا۔

دوسری جانب اسٹاک مارکیٹ میں کاروبار کے آغاز پر مندی کا رجحان دیکھا گیا ، اسٹاک مارکیٹ کے 100 انڈیکس میں 269 پوائنٹس کی کمی ریکارڈ کی گئی ، جس سے انڈیکس 75 ہزار 248 کی سطح پر آ گیا۔