اسلام آباد میں پی ٹی آئی کے احتجاج کے باعث ٹرانسپورٹ اور راستوں کی بندش سے پاکستان ریلویز کو5 روز کے دوران ریلوے نے 25 کروڑ سے زائد کا ریونیو اکٹھا کرلیا۔
ذرائع کے مطابق اسلام آباد میں پی ٹی آئی کے احتجاج کیوجہ سے پبلک ٹرانسپورٹ اور راستوں کی بندش سے شہریوں کو پریشانی کا سامنا کرنا پڑا جس کی وجہ سے شہریوں نے متبادل کے طور پر ریلوے سسٹم کا سہارا لیا۔
جس کے باعث اندرون ملک چلنے والی ریلوے ٹرینوں میں بے پناہ رش دکھائی دیا۔پانچ روز کے دوران پاکستان ریلویز نے ٹکٹس کی مد 25 کروڑ روپے سے زائد کی آمدن کی۔
ذرائع کے مطابق پی ٹی آئی کا ملک بھر میں احتجاج اور راستوں کی بندش کے علاوہ ٹرانسپورٹ بند ہونے سے ریلوے کو مالی فائدہ ہوا ہے۔
