وزارت خزانہ کا کہنا ہے کہ ستمبر اور اکتوبر میں مہنگائی 8 سے 9 فیصد کے درمیان رہے گی۔
ماہانہ اقتصادی رپورٹ کے مطابق رواں مالی سال کے پہلے2ماہ میں مثبت معاشی آثار دکھائی دے رہے ہیں،مہنگائی سنگل ڈیجٹ میں آچکی ہے،صنعتی پیداوار میں اضافہ ہو رہا ہے۔
بڑے شعبوں کی برآمدات میں اضافہ ہوا ہے،جاری کھاتوں کے خسارے میں کمی ہوئی ہے،ستمبر میں برآمدات ڈھائی سے3 ارب ڈالرز کے درمیان رہنے کی توقع ہے۔
ستمبر میں ترسیلات زر 2 ارب 70 کروڑ ڈالرز سے 3 ارب 20 کروڑ ڈالرز تک رہنے کا امکان ہے،بڑی صنعتوں کی پیداوار میں اضافہ دکھائی دے رہا ہے۔
برآمدی شعبے اپنی پیداوار کو بڑھانے کیلئے تیار دکھائی دے رہے ہیں۔
