روشن ڈیجیٹل اکائونٹس کے ذریعے سمندر پار پاکستانیوں کی ترسیلات زر کا حجم 8.593 ارب ڈالر سے تجاوز کرگیا ہے۔
سٹیٹ بینک کی جانب سے جاری اعدادوشمار کے مطابق رواں سال اکتوبر میں روشن ڈیجیٹل اکائونٹس کے ذریعے سمندر پار پاکستانیوں نے 204 ملین ڈالر زرمبادلہ ملک ارسال کیا۔
گزشتہ 6 ماہ کے دوران ان اکائونٹس کے ذریعے سمندر پار پاکستانیوں نے ماہانہ بنیادوں پر اوسطاً 187 ملین ڈالر ماہانہ ملک ارسال کئے ہیں۔
روشن ڈیجیٹل اکائونٹس کے ذریعے ستمبر 2020 سے لے کر اب تک سمندر پار پاکستانیوں نے مجموعی طورپر 8.593 ارب ڈالر ملک ارسال کئے ہیں۔
اکتوبر میں مزید 11ہزار 336 نئے اکائونٹس کھولے گئے جس کے بعد روشن ڈیجیٹل اکائونٹس کی مجموعی تعداد 7لاکھ 57ہزار 687 ہو گئی ہے۔
