ملکی زرمبادلہ کے سرکاری ذخائر ایک کروڑ 50 لاکھ ڈالر اضافے کے بعد 14 ارب 62 کروڑ 64 لاکھ ڈالرہو گئے۔
اسٹیٹ بینک کے مطابق 10 مئی کو ختم ہونے والے ہفتے کے دوران زرمبادلہ کے سرکاری ذخائر میں ایک کروڑ 50 لاکھ ڈالر کا اضافہ ہوا۔
مرکزی بینک کے اعداد و شمار کے مطابق سرکاری ذخائر کی مالیت 9 ارب 13 کروڑ 55 لاکھ ڈالر کی سطح پر آگئی ہے۔
زرمبادلہ کے مجموعی ذخائر کی مالیت 14 ارب 62 کروڑ 64 لاکھ ڈالر کی سطح پر آگئی، کمرشل بینکوں کے پاس 5 ارب 49 کروڑ 9 لاکھ ڈالر کے ذخائر موجود ہیں۔
اسٹیٹ بینک آف پاکستان کے اعداد و شمار کے مطابق گزشتہ ہفتہ کے دوران زرمبادلہ کے ذخائر میں 15 ملین ڈالر کا اضافہ ہوا۔
