پیٹرول کی قیمت میں پندرہ روز میں دوسری بار کمی کا امکان ہے، پیٹرول 13 روپے 40 پیسے فی لیٹر سستا ہو سکتا ہے، ڈیزل کی فی لیٹر میں 8 سے 10 روپے کمی ہو سکتی ہے۔
مٹی کا تیل 9 روپے 49 پیسے فی لیٹر سستاہونے کا امکان ہے۔ ایک ماہ کے دوران مجموعی طور پر برینٹ کروڈ آئل کی فی بیرل قیمت میں 8 ڈالر کی کمی ہوئی جس کے بعد نئی قیمت 90 ڈالر سے کم ہو کر 82 ڈالر فی بیرل پر آگئی ہے۔
آج رات کو عوام کو پیٹرولیم مصنوعات کی قیمتوں میں بڑا ریلیف ملنے کا امکان ہے،واضح رہے کہ یکم مئی کو پٹرول کی فی لٹر قیمت میں 5 روپے 45 پیسے کمی کی گئی تھی،جس کے بعد پیٹرول کی موجودہ فی لیٹر قیمت 288روپے 49پیسے ہے۔
ڈیزل کی فی لٹر قیمت میں 8 روپے 42 پیسے کمی کی گئی تھی، جس کے بعد ڈیزل کی موجودہ قیمت 281روپے 96پیسے فی لیٹرہے،لائٹ ڈیزل کی فی لیٹر قیمت میں 5 روپے 63 پیسے، مٹی کے تیل کی قیمت میں 8 روپے 74 پیسے فی لیٹر کمی کی گئی تھی۔
دوسری جانب ملک میں تیل وگیس کی پیداوار میں ہفتہ واربنیادوں پراضافہ ریکارڈکیاگیاہے۔ پی پی آئی ایس کے اعدادوشمارکے مطابق 8 مئی کوختم ہونے والے ہفتے میں ملک میں خام تیل کی اوسط یومیہ پیداوار65932 بیرل ریکارڈکی گئی جوپیوستہ ہفتے کے مقابلے میں 3.9 فیصدزیادہ ہے، پیوستہ ہفتے ملک میں خام تیل کی اوسط یومیہ پیداوار63480 بیرل ریکارڈکی گئی تھی۔
اسی طرح 8 مئی کوختم ہونے والے ہفتے میں ملک میں گیس کی اوسط یومیہ پیداوار2810 ایم ایم سی ایف ڈی ریکارڈکی گئی جوپیوستہ ہفتے کے مقابلے میں 6.4 فیصدزیادہ ہے، پیوستہ ہفتے میں ملک میں گیس کی اوسط یومیہ پیداوار2641 ایم ایم سی ایف ڈی ریکارڈکی گئی تھی۔
ہفتے کے دوران اوجی ڈی سی ایل کی خام تیل کی اوسط یومیہ پیداوار32650 بیرل، پی پی ایل 9664 بیرل، پی اوایل 4273 بیرل اورماڑی گیس کی خام تیل کی اوسط یومیہ پیداوار964 بیرل ریکارڈکی گئی۔
