کراچی: مقامی مارکیٹوں میں سونے کی قیمت نئی بلند ترین سطح پر پہنچ گئی۔
آل پاکستان جیمز اینڈ جیولرز ایسوسی ایشن کے مطابق ایک تولہ سونا 600 روپے اضافے کے بعد سونے کی فی تولہ قیمت 2 لاکھ 45 ہزار 700 کی بلند سطح پر پہنچ گیا۔
ایسوسی ایشن کے مطابق 10 گرام سونا 514روپے کے اضافے کے بعد 2 لاکھ 10 ہزار 648 روپے کا ہوگیا۔
دوسری جانب عالمی صرافہ بازار میں فی اونس سونا 5ڈالر کے نمایاں اضافے سے 2355 ڈالر کی نئی بلند سطح پر پہنچ گیا جبکہ چاندی کی فی تولہ قیمت 2650 روپے پر مستحکم رہی ہے۔
واضح رہے کہ 6 اپریل کو ملک بھر میں سونے کی فی تولہ قیمت 4 ہزار 900 روپے کے بڑے اضافے کے بعد 2 لاکھ 45 ہزار100 روپے بُلند ترین سطح پر پہنچ گئی تھی۔
