اسٹیٹ بینک کی جانب سے شرح سود میں کمی کے بعد سرمایہ کاروں کا اعتماد بحال ہونے لگا، پاکستان اسٹاک ایکسچینج میں تیزی کا رجحان دیکھا گیا۔ دوسری جانب ڈالر کی قیمت میں معمولی کمی ہوئی۔
کاروباری ہفتے کے دوسرے روز کاروبار کے دوران اسٹاک ایکسچینج میں 532 پوائنٹس کا اضافہ دیکھنے میں آیا ہے جس کے ساتھ 100 انڈیکس 73 ہزار 785 پوائنٹس کی سطح پر ٹریڈ کر رہا ہے۔
واضح رہے کہ گزشتہ روز کاروبار کے دوران سٹاک مارکیٹ میں مندی دیکھنے میں آئی، 501 پوائنٹس کمی کے ساتھ 100 انڈیکس 73 ہزار 253 پوائنٹس کی سطح پر بند ہوا تھا۔
دوسری جانب انٹر بینک میں ڈالر کی قدر میں 2 پیسےکمی ہو گئی جس کے بعد ڈالر 278 روپے 35 پیسے کا ہو گیا۔
