لاہور: اولمپئن خواجہ جنید کو وزیراعظم یوتھ پروگرام کا فوکل پرسن برائے اسپورٹس تعینات کر دیا گیا۔
وزیراعظم یوتھ پروگرام کے چیئرمین رانا مشہود احمد کا کہنا ہے کہ اولمپئن خواجہ جنید کی ہاکی میں ملک کے لئے گراں قدر خدمات ہیں، وزیراعظم یوتھ پروگرام کے کھیلوں کے تمام پروگرام خواجہ جنید کی رہنمائی میں مزید بہتر ہوں گے۔
خواجہ جنید کا کہنا ہے کہ وزیراعظم یوتھ پروگرام کا فوکل پرسن برائے اسپورٹس ہونا اعزاز کی بات ہے اپنی ذمہ داریوں کو احسن طریقے سے نبھانے کی بھرپور کوشش کروں گا۔
ان کا کہنا تھا کہ ہم پاکستان کے تمام نوجوانوں کو کھیل کے میدان میں دیکھنا چاہتے ہیں کھیل نوجوانوں کو مثبت رویوں کی جانب مائل کرتے ہیں۔
