امریکا میں صدارتی انتخابات سے ایک ہفتہ قبل واشنگٹن اور وینکوور میں نصب تین بیلٹ باکسز میں آگ لگنے سے سینکڑوں ووٹ تباہ ہوگئے۔
دونوں شہروں میں دو بیلٹ ڈراپ باکسز کو آتش گیر مادے سے آگ لگائی گئی۔ میڈیا رپورٹس کے مطابق آتش بجھانے کے خودکار نظام کی ناکامی کی وجہ سے باکسز میں موجود ووٹ تباہ ہوگئے۔
اس سے قبل بھی ایک بیلٹ باکس میں آگ لگائی گئی تھی لیکن اس میں موجود سسٹم کی وجہ سے زیادہ تر ووٹ محفوظ رہے۔امریکی حکام کے مطابق دونوں واقعات میں استعمال ہونے والے آتش گیر مادے کے باعث یہ ممکنہ طور پر منظم کارروائی کا حصہ ہے، تحقیقات کا عمل جاری ہے۔
ان واقعات کو امریکی حکام نے جمہوریت پر حملہ قرار دیتے ہوئے کہا کہ بیلٹ باکسز پر حملوں کے بعد ووٹ جمع کرنے کے عمل کو بڑھایا جائے گا، شہریوں سے درخواست کی گئی ہے کہ وہ ہفتے کے روز صبح 11 بجے کے بعد بیلٹ باکسز میں اپنا ووٹ ڈالنے کے بعد متبادل بیلٹ کے لیے متعلقہ دفتر سے رابطہ کریں۔
