پاکستان ویمنز کرکٹ ٹیم کو ٹی ٹوئنٹی سیریز کے دوسرے میچ میں بھی ویسٹ انڈین خواتین کے ہاتھوں ہزیمت کا سامنا کرنا پڑا۔
تفصیلات کے مطابق پاکستان ویمنز کرکٹ ٹیم ون سیریز ہارنے کے بعد پھر سے شکست کی راہ پر گامزن ہے۔ ٹی ٹوئنٹی سیریز میں پاکستان ویمنز ٹیم مسلسل دوسرا میچ ہار گئی، ویسٹ انڈیز ویمنز ٹیم نے پاکستان کو 7 وکٹوں سے شکست دے دی۔
ویسٹ انڈیز کی خواتین کرکٹ ٹیم نے 122 رنز کا ہدف3 وکٹوں کے نقصان پر حاصل کرلیا، ہیلی میتھیو نے شاندار پرفارمنس کا مظاہرہ کرتے ہوئے نصف سنچری بنانے کے ساتھ 3 وکٹیں بھی اڑائیں۔
اس سے قبل پاکستان ویمنز ٹیم نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر پر 121 رنز بنائے تھے۔ منیبہ علی 55 رنز بنا کر ٹاپ اسکورر رہیں۔
لگاتار تو میچز میں فتح سمیٹنے کے بعد ویسٹ انڈیز ویمنز ٹیم نے5 میچوں کی ٹی ٹوئنٹی سیریز میں 0-2 کی برتری حاصل کرلی ہے۔
