وسطی میکسیکو میں مسافر بس گہری کھائی میں گرنے کے نتیجے میں 19 افراد ہلاک اور چھ زخمی ہو گئے۔
حکام کے مطابق بس کو حادثہ وسطی ریاست زکاٹیکاس میں پیش آیا۔ میڈیا رپورٹ کے مطابق بس مکئی لے جانے والے ٹریکٹر سے ٹکرا کر کھائی میں جا گری۔
زکاٹیکاس کے گورنر ڈیوڈ مونریال نے بتایا کہ حادثے میں 24 افراد ہلاک ہوئے لیکن بعد ازاں ریاستی اٹارنی جنرل کے دفتر نے ہلاک ہونے والوں کی تعداد 19 بتائی۔
بس امریکا اور میکسیکو کی سرحد پر واقع شہر سیوداد جواریز کی جانب جا رہی تھی۔ حکام کے مطابق متاثرین میں سے کوئی بھی تارکین وطن نہیں تھا۔
