اسرائیلی فوج نے رات گئے رفح میں پناہ گزین کیمپ پر حملہ کردیا، کیمپوں میں آتشزدگی کے باعث ایک ہی رات میں 75 سے زائد فلسطینی شہید ہوگئے۔
رفح میں پناہ گزین کیمپ پر اسرائیلی فوج نے اب تک کا سب سے بڑا حملہ کیا ہے۔ اسرائیلی بمباری کے نتیجے میں ہزاروں پناہ گزین جل کر شہید ہوگئے جبکہ متعدد زخمی ہیں، شہداء میں خواتین اور بچوں کی بڑی تعداد شامل ہے۔
خیال رہے کہ پناہ گزین کیمپ میں شمالی غزہ سے بے دخل فلسطینیوں کی ایک بڑی تعداد نے رہائش اختیار کر رکھی ہے۔
Horrible scenes of a new massacre in Rafah: The Israeli army committed a horrific massacre in North West Rafah which is supposed to be a safe area bombarding and burning tents of displaced Palestinians killing more than 30 civilians many of whom were burned to death and injuring…
— Mustafa Barghouti @Mustafa_Barghouti (@MustafaBarghou1)
دوسری طرف اسرائیل نے یہ دعویٰ کیا ہے کہ اسرائیلی طیاروں نے رات رفح میں حماس کے ایک کمپاؤنڈ پر حملہ کیا۔ حملے کے مقام پر حماس کے اہم ارکان ٹھہرے ہوئے تھے۔
خیال رہے کہ غزہ میں 7 اکتوبر کے بعد سے اسرائیلی حملوں میں اب تک 36,000 فلسطینی شہید ہوچکے ہیں۔ عالمی عدالت کے فیصلے کے باوجود اسرائیلی ٹینکوں کی رفح میں پیش قدمی جاری ہے۔
