لاہور: چوتھے ٹی 20 میچ میں پاکستان نے نیوزی لینڈ کے خلاف ٹاس جیت کر فیلڈنگ کا فیصلہ کیا ہے۔
لاہور کے قذافی اسٹیڈیم میں کھیلے جارہے چوتھے ٹی 20 میچ میں کپتان بابر اعظم نے ٹاس جیت کر نیوزی لینڈ کو بیٹنگ کی دعوت دی ہے۔
قومی ٹیم میں چار تبدیلیاں کی گئی ہیں، محمد رضوان اور عرفان خان انجرڈ ہیں جبکہ نسیم شاہ اور شاہین آفریدی کو آرام دیا گیا ہے۔
گرین شرٹس میں محمد عامر، فخر زمان، زمان خان اور عماد وسیم کو شامل کیا گیا ہے۔
بابر اعظم کا کہنا تھا کہ لاہور میں اوس پڑتی ہے جس کی وجہ سے فیلڈنگ کا فیصلہ کیا ہے، 170 سے 180 رنز اس پچ پر مناسب اسکور ہوگا، کوشش کریں گے پاور پلے کا اچھا استعمال کریں۔
کیوی کپتان کا کہنا تھا کہ کوشش کریں گے اچھا اسکور بنائیں، نیوزی لینڈ کی ٹیم میں تین تبدیلیا کی گئی ہیں۔
واضح رہے کہ پاکستان اور نیوزی لینڈ کے درمیان پانچ میچز کی سیریز 1-1 سے برابر ہے جبکہ پہلا میچ بارش کی نذر ہوگیا تھا۔
