غیر ملکی خبر رساں ایجنسی کے مطابق نومنتخب امریکی صدر ڈونلڈ ٹرمپ نے کہا ہے کہ وہ خواجہ سراؤں کو ایلیمنٹری، مڈل اور ہائی اسکولوں سے نکالنے کے ساتھ ساتھ امریکی فوج میں بھی ان کی بھرتیوں کو روک دیں گے۔
انہوں نے کہا کہ وہ عہدہ سنبھالنے کے بعد سب سے پہلے بچوں کے جنسی استحصال کے خلاف اقدامات اٹھائیں گے۔ میرے اعلانات حامیوں کے لیے خوش آئند اور مخالفین کے لیے تشویش کا باعث ہوں گے۔
یہ بھی پڑھیں:
ڈونلڈ ٹرمپ نے کہا کہ وہ منشیات کے عالمی کارٹیلز کو “غیر ملکی دہشتگرد تنظیم” قرار دیں گے۔ جس کا مقصد ان کے خلاف سخت کارروائی کرنا اور منشیات کے پھیلاؤ کو روکنا ہے۔
انہوں نے کہا کہ وہ امریکی حکومت کے زیراہتمام خواتین کے کھیلوں میں مردوں کو حصہ لینے سے روکنے کے لیے بھی اقدامات کریں گے۔ امریکی حکومت باضابطہ طور پر صرف 2 جنسوں کو تسلیم کرے گی۔ یعنی مرد اور عورت، اور ان کی بنیاد پر ہی پالیسیاں مرتب کی جائیں گی۔
نومنتخب امریکی صدر نے کہا کہ وہ اپنی مہم کو سوشل میڈیا کے ذریعے مزید پھیلائیں گے۔ تاکہ عوام تک اپنے پیغامات پہنچا سکیں۔
