0

وزیراعلیٰ بلوچستان کا شاہ زیب رند کیلئے ملازمت، 20 لاکھ کیش ایوارڈ کا اعلان

وزیراعلیٰ بلوچستان سرفراز بگٹی کی جانب سے شاہ زیب رند کیلئے ملازمت اور 20 لاکھ روپے کیش ایوارڈ کا اعلان کیا گیا ہے۔

تفصیلات کے مطابق بھارتی فائٹر کو ہرانے والے ایم ایم اے فائٹر شاہ زیب رند سے وزیراعلٰیٰ بلوچستان سرفراز بگٹی نے کی ملاقات کی۔ وزیراعلٰی بلوچستان نے بھارت کے خلاف مقابلہ جیتنے پر شاہ زیب رند کو مبارکباد دی۔

وزیراعلٰی بلوچستان نے اس موقع پر پاکستانی فائٹر کیلئے ملازمت اور 20 لاکھ روپے کیش ایوارڈ کا اعلان کیا اور کہا کہ شاہ زیب رند کی تربیت اور سفر کے اخراجات حکومت بلوچستان ادا کرے گی۔

سرفراز بگٹی نے کہا کہ شاہ زیب بلوچستان اور پاکستان کا فخر ہیں۔ بلوچستان سے تعلق رکھنے والے شاہ زیب نے پاکستان کا نام عالمی سطح پر اجاگر کیا۔

انھوں نے کہا کہ شاہ زیب نے ثابت کیا کہ بلوچستان میں عالمی سطح کا ٹیلنٹ موجود ہے، باصلاحیت نوجوانوں کی مکمل سرپرستی کریں گے۔

Comments

اس خبر پر اپنی رائے کا اظہار کریں

Leave a Reply