نیوزی لینڈ ٹی ٹوئنٹی کرکٹ ٹیم کے کپتان مائیکل بریسویل نے پاکستان میں کرکٹ کی سہولیات کے حوالے سے برملا اپنے خیالات کا اظہار کردیا۔
تفصیلات کے مطابق لاہور میں میڈیا سے گفتگو کرتے ہوئے نیوزی لینڈ کے کپتان مائیکل بریسویل نے کہا کہ پاکستان میں کرکٹ سے متعلق سہولیات بہت بہتر ہیں۔ پاکستان آکر کرکٹ سے متعلق بہت کچھ سیکھنے کا موقع ملا ہے۔
کپتان نیوزی لینڈ کرکٹ ٹیم نے مزید کہا کہ پاکستان کے ساتھ زیادہ کرکٹ کھیلنے کو اپنی خوش قسمتی سمجھتے ہیں۔
انھوں نے کہا کہ گزشتہ میچ کی جیت سے کافی حوصلہ ملا ہے، امید ہے کہ اگلے میچ میں مزید بہتر پرفارم کریں گے، ہم نے ثابت کیا ہے کہ ہم اچھا کھیل سکتے ہیں۔
مائیکل بریسویل نے کہا کہ پاکستان کے ساتھ زیادہ کرکٹ کھیلنے کا موقع ملا۔ بابراعظم پاکستان کی ٹیم کے بہت بہترین کھلاڑی ہیں۔
نیوزی لینڈ ٹی ٹوئنٹی ٹیم کے کپتان نے پاکستان کے صف اول کے بولر شاہین شاہ آفریدی کے بارے میں بات کرتے ہوئے کہا کہ شاہین شروع کے اوورز میں بہت ہی اچھی بولنگ کرتے ہیں۔
