نیوزی لینڈ کے خلاف سیریز کے آخری دونوں میچوں کے لیے محمد رضوان اور عرفان خان نیازی کو آرام دینے کا فیصلہ کیا گیا ہے۔
پی سی بی کو محمد رضوان اور عرفان خان کی ریڈیولوجی رپورٹس موصول ہو گئی ہیں اور رپورٹس کا جائزہ لینے کے بعد دونوں کھلاڑیوں کو آرام دینےکا فیصلہ کیا گیا ہے۔
آخری 2 ٹی ٹوئنٹی میچز جمعرات اور ہفتے کے روز کھیلےجائیں گے۔ دونوں کھلاڑی پی سی بی میڈیکل پینل کے ساتھ اپنی بحالی پرکام کریں گے۔
لاہور میں پاک نیوزی لینڈ کی پانچ میچوں پر مشتمل سیریز کا فیصلہ ہو گا جس کے لیے دو میچ باقی ہیں۔ سیریز ایک ایک سے برابر ہے اور چوتھا میچ جو جیتے گا اسے نفسیاتی برتری ملےگی۔ اسی برتری کیلئے دونوں ٹیمیں میدان میں اتریں گی۔
ٹیم کارکردگی کو بہتر بنانے کے لیے کئی اسٹریٹجک تبدیلیاں کرے گی جس میں نسیم شاہ کو پچھلے میچوں میں ناقص کارکردگی کی وجہ سے آرام دینا بھی شامل ہے۔ آخر میں شاہین آفریدی، محمد عامر اور عباس آفریدی پیس باؤلنگ اٹیک بنائیں گے۔
