قومی ٹیم کے آل راؤنڈر شاداب خان نے کہا ہے کہ ایسی کوئی بات نہیں کہ میں نائب کپتان بننے والا ہوں یہ ٹیم مینجمنٹ کا فیصلہ ہو گا۔
قذافی اسٹیڈیم لاہور میں پریس کانفرنس کرتے ہوئے شاداب خان نے کہا کہ انٹرنیشنل کرکٹ میں شکست کو سرپرائز نہیں کہیں گے نیوزی لینڈ ٹیم میں بیشک بڑے کھلاڑی شامل نہیں ہیں اس کے باوجود موجودہ کھلاڑی آنے والے وقت میں اسٹار ہوں گے۔
شاداب خان نے کہا کہ آج کل کی کرکٹ میں اسٹرائیک ریٹ بہت معنی رکھتا ہے اندازہ ہو گیا بڑی ٹیموں کیخلاف جیتنے کیلئے اچھے اسٹرائیک ریٹ سے کھیلنا ہو گا، میرےخیال سے ہمیں تھوڑا وقت چاہیے ہو گا کیونکہ نئی مینجمنٹ ہے اگر کسی چیزمیں برُا کریں تو اسے تسلیم کرناچا ہیے اس سےچیزیں بہتر ہوتی ہیں۔
آل راؤنڈر کا کہنا تھا کہ پہلے کہا گیا سینئر کی جگہ نئے پلیئرز کو موقع دیا جائے اب کہہ رہے ہیں کتنے تجربے کرنے ہیں آپ کوبیٹنگ نمبر سے متعلق نہیں بتا سکتا مگر ٹیم مینجمنٹ سے بیٹنگ نمبر پر بات ہوتی ہے۔
شاداب خان نے کہا کہ ہمارے پاس ایسا کمبی نیشن موجود ہے کہ ہم ورلڈکپ جیت سکتے ہیں مجھےجو رول دیا گیا ہے میں اس سے خوش ہوں تمام کھلاڑیوں کوٹیم میں مختلف رول دیےگئے ہیں۔
