پاکستان کرکٹ ٹیم کے سابق کھلاڑی سجاد اکبر فانی دنیا کو خیر باد کہہ گئے۔
ذرائع کے مطابق مرحوم سجاد اکبر کے بھائی امیر اکبر نے اس حوالے سے بتایا کہ سجاد اکبر کو دل کا دورہ پڑا جو جان لیوا ثابت ہوا، مرحوم کی عمر 63 برس تھی۔
سابق کرکٹر سجاد اکبر نے 2 انٹرنیشنل میچز میں پاکستان کی نمائندگی کی جبکہ انہوں نے 182 فرسٹ کلاس میچز بھی حصہ لیا۔
مرحوم سجاد اکبر لیول فور کوچ کے فرائض سر انجام دے رہے تھے، جبکہ وہ ڈومیسٹک کرکٹ میں کوچنگ سے منسلک تھے۔
سابق کرکٹر سجاد اکبر کے اچانک انتقال پر چیئرمین پاکستان کرکٹ بورڈ محسن نقوی کی جانب سے افسوس کا اظہار کیا گیا۔
