سابق بھارتی کرکٹر محمد کیف نے ٹی 20 ورلڈ کپ 2024 کے لیے سیمی فائنلسٹ ٹیموں کی پیش گوئی کردی۔
بھارتی میڈیا رپورٹس کے مطابق سابق کرکٹر محمد کیف نے بھارت، نیوزی لینڈ، ویسٹ انڈیز کے علاوہ آسٹریلیا یا پاکستان ورلڈ کپ کے سیمی فائنل میں جانے کی صلاحیت رکھتے ہیں۔
محمد کیف کا کہنا تھا کہا نیوزی لینڈ کی ٹیم آئی سی سی ایونٹس میں بہتر کھیل کا مظاہرہ کرتی آئی ہے، آپ انہیں ٹاپ فور سے باہر نہیں کرسکتے۔ اسی طرح ویسٹ انڈیز اپنے ہوم گراؤنڈ پر کھیل رہی ہے تو انہیں کنڈیشنز کا فائدہ ہوگا۔
سابق کرکٹر نے کہا کہ نہیں معلوم پاکستان یا آسٹریلیا میں سے سیمی فائنل کے لیے کون اپنی جگہ پکی کرے گا۔ اگر پاکستان سیمی فائنل یا فائنل میں ٹکراتا ہے تو پاک بھارت میچ سے بہتر کیا ہوسکتا ہے۔
انہوں نے کہا کہ بھارت کا موجودہ اسکواڈ ورلڈکپ 2022 میں سیمی فائنل تک پہنچنے والی ٹیم سے زیادہ مضبوط ہے۔ ٹیم میں اسپنرز اور فاسٹ باؤلرز کا اچھا کمبینیشن ہے جو دنیا کی بڑی ٹیموں کو شکست دینے کی صلاحیت رکھتا ہے۔
واضح رہے کہ ٹی 20 ورلڈ کپ 2024 کا آغاز یکم جون سے امریکا اور ویسٹ انڈیز میں شروع ہوگا، پاکستانی ٹیم اپنا پہلا میچ 6 جون کو امریکا سے کھیلے گی جبکہ 9 جون کو پاک بھارت ٹیمیں مدمقابل آئیں گی۔
