سعودی فرمانروا سلمان بن عبدالعزیز پھیپھڑوں کی سوزش میں مبتلا ہو گئے ہیں وہ جدہ کے السلام پیلس میں علاج کروائیں گے۔
خبر ایجنسی کے مطابق سعودی بادشاہ سلمان بن عبدالعزیز کا جدہ میں قصر السلام کے رائل کلینک میں طبی معائنہ ہوا۔
ایوان شاہی کی جانب سے جاری بیان میں بتایا گیا کہ شاہ سلمان کے پھیپھڑوں میں انفیکشن کی تشخیص ہوئی ہے ،ایوان شاہی کا کہنا ہے کہ طبی ٹیم نے اینٹی بائیوٹکس کے کورس پر مشتمل علاج تجویز کیا ہے۔
سعودی بادشاہ کو گزشتہ روز طبیعت ناساز ہونے پر اسپتال لے جایا گیا تھا ، تین ہفتے قبل بھی شاہ سلمان بن عبد العزیز جدہ میں کنگ فیصل سپیشلسٹ اسپتال میں معمول کے طبی معائنہ کرنے کیلئے داخل ہوئے تھے۔
