متحدہ عرب امارات میں شدید بارش، آسمانی بجلی اور اولے پڑنے کی پیشگوئی کی گئی ہے۔
اماراتی محکمہ موسمیات کی جانب سے نئی ایڈوائزری جاری کی گئی ہے جس کے مطابق بارش کا سلسلہ بدھ تک جاری رہ سکتا ہے۔
دبئی حکام نے اعلان کیا ہے کہ موسمی حالات کے پیش نظر کل تعلیمی اداروں میں ریموٹ لرننگ ہوگی،شدید بارش کی وجہ سے حفاظتی اقدامات کئے گئے ہیں۔
اسکولز آن لائن کلاسز کا اہتمام کریں،متحدہ عرب امارات میں دفاتر کو کل بھی ورک فرام ہوم کرنے کی ہدایت کی گئی ہے۔
اماراتی حکام نے مزید ہدایت کی ہے کہ عوام غیر ضروری سفر کرنے سے مکمل اجتناب کریں، دبئی کے مختلف ریڈیو اسٹیشنز سے عوام کو ہدایات جاری کی جارہی ہیں۔
دوسری جانب شدید بارش سے دبئی ایئرپورٹ پر فلائٹ شیڈول متاثرہوا، شدید بارش سے متعدد فلائٹس بھی معطل کردی گئی ہیں ۔
بارش کی وجہ سے متعدد علاقوں اور گھروں میں پانی داخل ہوگیا،دبئی کے بڑے شاپنگ مالز میں بھی پانی داخل ہونے کی شکایات سامنے آرہی ہیں۔
