سوشل میڈیا پر زیرگردش ویڈیو میں دیکھا جاسکتا ہے کہ میچ سے قبل منعقد کی گئی تقریب میں بالی وڈ سنگر ارجیت سنگھ، سکھوندر سنگھ اور شنکر مہادیون اپنی آواز کا جادو جگا رہے ہیں، تاہم اس پروگروام کو لائیو نشر نہیں کیا گیا لیکن وہاں موجود مداحوں نے ویڈیوز بنا کر سوشل میڈیا پر وائرل کردی۔
جو ویڈیوز سامنے آرہی ہیں ان میں ارجیت سنگھ کو پرفارم کرتے ہوئے دیکھا جاسکتا ہے، نوجوان سل میں مقبول گلوکار نے اس تقریب میں ‘ہیریے’ اور ‘وٹ جھمکا’ سمیت دیگر گانے گاکر سماں باندھا۔
Arijit singing Chaleya, what jhumka and heeriya at the pre-match ceremony 🔥
— ح (@hmmbly)
گولڈن ٹکٹ کے حامل بالی ووڈ اسٹارز امیتابھ بچن، رجنی کانت سمیت ویرا کوہلی کی اہلیہ انوشکا شرما اور کئی اداکار بھی تقریب میں موجود تھے۔
واضح رہے کہ اس میچ میں پاکستانی بیٹرز دباؤ کو جھیلنے میں بری طرح ناکام رہے اور پوری ٹیم 191 رنز بنا کر آل آؤٹ ہوگئی۔
واضح رہے کہ بھارتی کرکٹ بورڈ نے شوپیس ایونٹ کی افتتاحی تقریب منعقد کرنے سے گریز کیا تھا۔ تاہم روایتی حریفوں کے درمیان اہم مقابلے سے قبل کئی سپر اسٹارز کو مدعو کیا گیا تھا تاکہ وہ میچ سے قبل شائقین کرکٹ کو محظوظ کریں۔
