قومی ٹیم کے اوپنر صائم ایوب نے کہا ہے کہ میرا ٹارگٹ ففٹی یا سنچری بنانا نہیں ہے۔
صائم ایوب نے بیٹنگ کے بارے میں اپنے نقطہ نظر بیان کرتے ہوئے کہا کہ ان کا مقصد انٹرنیشنل کرکٹ میں ریکارڈز بنانا یا سنگ میل طے کرنا نہیں بلکہ پاکستان کی فتوحات میں حصہ ڈالنا ہے اور اسی پر وہ اپنی تمام تر توجہ مرکوز رکھتے ہیں۔
ان کا کہنا تھا کہ میرا ہدف مین آف دی میچ ہے نہ کہ ففٹی یا سنچری، میں تعداد کے بارے میں بات نہیں کرتا کیونکہ میں اپنی ٹیم کے لیے میچ جیتنا چاہتا ہوں یہ کوئی بھی اعداد و شمار ہو سکتے ہیں 50، 70 یا 100، لیکن میں اس کے بارے میں نہیں سوچتا کیونکہ میں میچ جیتنے پر توجہ رکھتا ہوں۔
انہوں نے کہا کہ میرے خیال میں 2022 میں قومی ٹی 20 میں تھا جہاں میں نے پہلی بار ’نولک‘ شاٹ کھیلا لیکن یہ ایسی چیز نہیں تھی جس کا میں نے پہلے سے منصوبہ بنایا تھا مجھے اسکور کرنے کے آپشنز نہیں مل رہے تھے اس لیے جب میں نے دیکھا کہ فیلڈر دائرے میں ہے تو میں نے وہ شاٹ کھیلا۔
پاکستان کے لیے 19 ٹی ٹوئنی میچز میں نمائندگی کرنے کے باوجود وہ ابھی تک اپنی صلاحیتوں کا بھرپور اظہار کرنے میں ناکام رہے ہیں ان کا سب سے زیادہ اسکور 131.06 کے اسٹرائیک ریٹ کے ساتھ 49 ہے۔
