اسلام آباد (نیوز ڈیسک) اداکارہ اور ماڈل مومنہ اقبال کی ایک ویڈیو سوشل میڈیا پر تیزی سے وائرل ہو رہی ہے، جس میں دعویٰ کیا جا رہا ہے کہ انہیں خواجہ سرا ہونے کی بنا پر گھر سے نکال دیا گیا تھا۔ یہ ویڈیو نہ صرف عام صارفین بلکہ شوبز اور صحافتی حلقوں سے تعلق رکھنے والے افراد نے بھی شیئر کی۔
تاہم جب اس ویڈیو کی حقیقت جانچنے کے لیے اس کا تفصیلی تجزیہ کیا گیا تو معلوم ہوا کہ یہ کلپ ایڈٹ شدہ ہے اور اسے دانستہ طور پر توڑ مروڑ کر پیش کیا گیا ہے۔ اصل میں، یہ ویڈیو مومنہ اقبال کے 29 اگست 2022 کو دیے گئے ایک انٹرویو کا حصہ ہے، جو کہ Fuchsia Magazine کے یوٹیوب چینل پر مکمل شکل میں دستیاب ہے۔
اگر اس مکمل انٹرویو کو غور سے دیکھا جائے تو کہیں بھی مومنہ اقبال نے یہ نہیں کہا کہ وہ خواجہ سرا ہیں یا انہیں گھر سے بے دخل کیا گیا تھا۔ شرپسند عناصر نے انٹرویو کے ایک حصے کو ایڈٹ کرکے غلط فہمی پیدا کرنے کے لیے اسے سوشل میڈیا پر پھیلایا ہے۔
