غزہ: فلسطینی تنظیم حماس نے ایک امریکی قیدی کو انٹرنیشنل کمیٹی آف ریڈ کراس (آئی سی آر سی) کے نمائندوں کے حوالے کر دیا ہے جس کے بعد قیدی کو غزہ سے اسرائیل منتقل کر دیا گیا۔
رپورٹ کے مطابق یہ بات بین الاقوامی خبررساں ادارے رائٹرز نے اپنی رپورٹ میں بتائی، قیدی کی حوالگی ایک انسانی اقدام کے طورپرعمل میں آئی جبکہ اس موقع پرکسی قسم کی جارحیت یا مزاحمت کی اطلاع نہیں ملی۔
حماس نے امریکی قیدی کی رہائی کیساتھ ساتھ سابق امریکی صدر ڈونلڈ ٹرمپ کی انتظامیہ سے یہ مطالبہ بھی کیا ہے کہ وہ غزہ میں جاری جنگ کے خاتمے کے لیے اپنی کوششیں جاری رکھے۔
فریقین کے درمیان کشیدگی کم کرنے کی یہ پیش رفت خطے میں انسانی بحران کوروکنے کی ایک مثبت کوشش کے طور پردیکھی جا رہی ہے، جس پرعالمی اداروں نے محتاط امید کا اظہارکیا ہے۔
