لاہور (این این آئی)ڈرامہ رائٹر خلیل الرحمن قمر نے کہا ہے کہ آمنہ عروج، اس کے گینگ اور سوشل میڈیا ٹرول کو معاف نہیں کروں گا۔ ایک انٹرویو میں خلیل الرحمن قمر نے کہا کہ مجھے نہیں معلوم کہ آمنہ عروج کون ہے، یہ بہت خطرناک گینگ ہے جو پہلے سے مطلوب تھا اور قتل کے متعدد مقدمات میں ملوث تھا، وہ لڑکی کیسے کہہ سکتی ہے کہ اس پر تشدد کیا گیا، جبکہ وہ خود مجرم تھی؟ ۔
انہوں نے کہا کہ عزت دینا اللہ کے ہاتھ میں ہے، میں آمنہ عروج اور اس کے گینگ کو معاف نہیں کروں گا، جب تک انہیں سزا نہیں مل جاتی تب تک سکون سے نہیں بیٹھوں گا، پہلے اس گینگ سے نمٹوں گا، پھر ٹرول کرنے والوں سے بھی نمٹوں گا، ہم قانونی طور پر کام کررہے ہیں، سوشل میڈیا پر ٹرول کرنے والوں کو بھی سزا ملے گی۔
