آئی سی سی ٹی ٹوئنٹی ورلڈکپ کے اہم مقابلے میں بلیو شرٹس کے کپتان رہوت شرما ٹاس کرنے گراؤنڈ میں آئے تو اپنی جیب میں کوائن رکھ کر بھول گئے۔ جیسے ہی ٹاس کے لیے میزبان روی شاستری نے روہت سے سکہ اچھالنے کو کہا تو وہ سکہ ڈھونڈتے ہوئے نظر آئے جس کی ویڈیو وائرل ہوگئی.
بھارتی کپتان نے اپنی بے خیالی آشکار ہونے پر جلدی جلدی سکہ ڈھونڈنا شروع کردیا، آخر کار انھیں ٹاس کوائن اپنی پتلون کی جیب میں مل گیا۔
ان کے اس بھلکڑ پن پر قومی کپتان بابر اعظم ہنستے پائے گئے، بعد ازاں میزبان روی شاستری کے کہنے پر روہت نے سکہ ہوا میں اچھالا۔
Rohit Sharma forgot the coin 😂🤣
— Goku (@princegokul)
خیال رہے کہ اس اہم میچ میں ٹاس پاکستان کے کپتان بابر اعظم نے جیتا تھا اور انھوں نے بھارتی ٹیم کو پہلے بیٹنگ کرنے کی دعوت دی تھی۔
بھارتی ٹیم پہلے کھیلتے ہوئے 20 ویں اوور میں 119 رنز بنا کر آل آؤٹ ہوگئی تھی اور پاکستان کو جیتنے کے لیے 120 رنز کا ہدف دیا تھا۔
