قومی ٹیم کے آل راؤنڈر عامر جمال نے کپتان بابر اعظم کے بیان کے بعد خاموشی توڑ دی۔
فوٹو اور ویڈیو شیئرنگ ایپ انسٹاگرام پر آل راؤنڈر عامر جمال نے انگلش کاؤنٹی چیمپئن شپ میں اپنی بیٹنگ کی ویڈیو شیئر کی جس میں انہوں نے وارکشائر کی نمائندگی کرتے ہوئے پہلی اننگز میں 40 رنز بنائے۔
انہوں نے ویڈیو کے ساتھ معنی خیز کیپشن لکھا کہ ’چیزیں ہمیشہ وہی نہیں ہوتیں جو وہ نظر آتی ہیں، پہلی ظاہری شکل بہت سے لوگوں کو دھوکا دیتی ہے۔‘
عامر جمال نے اس کے بعد منہ پر انگلی رکھنے کی ایموجی بھی بنائی۔
واضح رہے کہ گزشتہ دنوں بابر اعظم نے عامر جمال کی ٹیسٹ کرکٹ میں عمدہ کارکردگی کا اعتراف کرتے ہوئے کہا تھا کہ عامر کو ٹی 20 فارمیٹ کے لیے اپنی صلاحیتوں کو بہتر بنانے کے لیے مزید تجربہ اور میچز کھیلنے کی ضرورت ہے۔
ان کا کہنا تھا کہ عامر جمال کا ٹی 20 اور ٹیسٹ کرکٹ کا موازنہ نہیں کیا جاسکتا وہ جس نمبر پر بیٹںگ کرتے ہیں ہمیں ایک پاور ہٹر کی ضرورت ہے۔
