ڈیموکریٹ امیدوار کاملا ہیرس نے انتخابات میں شکست تسلیم کرتے ہوئے ڈونلڈ ٹرمپ کو ٹیلیفون کرکے الیکشن میں کامیابی پر مبارکباد دی۔
کاملا ہیرس نے کہا کہ انتخابی نتائج تسلیم کرنے چاہئیں، جمہوریت کا اصول ہے ہارو تو شکست تسلیم کرو، جمہوریت اور آمریت میں یہی فرق ہے۔
دوسری جانب امریکی صدر جو بائیڈن نے بھی ڈونلڈ ٹرمپ کو جیت پر مبارکباد دیتے ہوئے وائٹ ہاؤس میں ملاقات کی دعوت دی ، صدر بائیڈن آج جمعرات کو امریکی عوام سے خطاب بھی کریں گے۔
واضح رہے کہ ڈونلڈ ٹرمپ ایک بار پھر امریکا کے صدر منتخب ہو گئے ہیں ، صدارتی انتخاب میں ٹرمپ نے538 الیکٹورل ووٹ میں سے 292 اور کملا ہیرس نے 226 الیکٹورل ووٹ حاصل کیے۔
