ٹی ٹوئنٹی ورلڈ کپ میں میزبان امریکا سے افتتاحی میچ ہارنے والی کینیڈا ٹیم کے بارے میں دلچسپ انکشاف ہوا جس کو جان کر سب حیران رہ جائیں گے۔
آئی سی سی ٹی ٹوئنٹی ورلڈ کپ کا گزشتہ روز آغاز ہوگیا۔ افتتاحی میچ میں میزبان امریکا نے کینیڈا کو با آسانی 7 وکٹوں سے شکست دے کر ٹورنامنٹ میں فاتحانہ آغاز کیا۔
اس میچ میں جس کینیڈین الیون نے شرکت کی اس میں خاص بات یہ تھی کہ ان میں سے کسی بھی کرکٹر کا جنم کینیڈا میں نہیں ہوا بلکہ دیگر ممالک میں پیدا ہوئے۔
امریکا کے خلاف کینیڈا کی فائنل الیون میں شریک نونیت دھالیوال، پرگت سنگھ، شریاس مووا، دلپریپ باجوہ بھارت میں پیدا ہوئے۔ نکھل دت نے کویت، آرون جونسن نے جمیکا، نکولز کرٹن نے بارباڈوس میں آنکھیں کھولی۔
کینیڈا اسکواڈ میں شامل ڈلون ہیلنگر اور جرمی گارڈون کا تعلق جنوبی امریکا کے ملک گیانا سے ہے۔
