پاکستان کرکٹ بورڈ سے 24 گھنٹوں میں دوسرا بڑا استعفیٰ سامنے آ گیا ہے اور اس بار پی سی بی کی لیگ کمشنر نائلہ بھٹی مستعفی ہوئی ہیں۔
اے آر وائی نیوز کو ذرائع سے ملنے والی اطلاعات کے مطابق پاکستان کرکٹ بورڈ کی لیگ کمشنر نائلہ بھٹی نے اپنے عہدے سے استعفیٰ دے دیا ہے۔ انہوں نے ذاتی مصروفیات کی وجہ سے عہدے سے مستعفی ہونے کا فیصلہ کیا۔
نائلہ بھٹی پی سی بی میں کافی عرصاے سے کام کر رہی تھیں۔ انہوں نے سابق چیئرمینز پی سی بی منیجمنٹ کمیٹی نجم سیٹھی اور ذکا اشرف کے ادوار میں پی ایس ایل کیلیے کام کا آغاز کیا تھا۔
واضح رہے کہ اس سے قبل گزشتہ روز پی سی بی میڈیکل کمیشن کے سربراہ ڈاکٹر سہیل سلیم نے استعفیٰ دے دیا تھا۔ انہوں نے نے کھلاڑیوں کی میڈیکل رپورٹ سامنے آنے پر استعفیٰ دیا تھا۔
