پاکستان کرکٹ بورڈ سے ایک اور بڑا استعفیٰ آگیا۔
ذرائع کے مطابق پی سی بی میڈیکل کمیشن کےسربراہ ڈاکٹر سہیل سلیم نے استعفیٰ دے دیا ہے۔ ڈاکٹر سہیل سلیم نے کھلاڑیوں کی میڈیکل رپورٹ سامنے آنے پر استعفیٰ دیا۔
.jfif)
پی سی بی کے چیئرمین محسن نقوی نے احسان اللہ، ارشد اقبال اور ذیشان ضمیر سمیت کھلاڑیوں کی انجری کا جائزہ لینے کے لیے ایک آزاد انکوائری کمیٹی تشکیل دی تھی۔
کمیٹی نے اپنی رپورٹ کرکٹ بورڈ کو پیش کر دی ہے۔
نقوی نے اشارہ دیا تھا کہ اگر رپورٹ میں کھلاڑیوں کی چوٹوں کی تشخیص میں کسی کوتاہی کو اجاگر کیا گیا تو ذمہ داروں کے خلاف سخت کارروائی کی جائے گی۔
غور طلب ہے کہ ڈاکٹر سلیم کا استعفیٰ اپنی نوعیت کا پہلا استعفیٰ نہیں ہے۔ انہوں نے اس سے قبل پاکستان سپر لیگ (پی ایس ایل) کے دوران COVID-19 کے معاملات سے متعلق مسائل کی وجہ سے اپنے کردار سے استعفیٰ دے دیا تھا لیکن پی سی بی کے سابق چیئرمین ذکا اشرف کے دور میں وہ بورڈ میں واپس آئے تھے۔
