دورہ آئرلینڈ اور انگلینڈ کے لیے قومی کرکٹ ٹیم کا اعلان آج کیا جائے گا، محمد رضوان پہلے سے بہت بہتر محسوس کر رہے ہیں وہ بھی ٹیم کا حصہ ہوں گے۔
دورہ آئرلینڈ اور انگلینڈ کیلئے حارث رؤف کو ٹیم میں شامل کیے جانے کا امکان ہے، عثمان خان کو بھی مزید موقع دیا جائے گا۔
پاکستان اور آئر لینڈ کے درمیان ہونے والے میچ 10، 12 اور 14 مئی کو شیڈول ہیں۔
پاکستان کرکٹ بورڈ آئر لینڈ کے تین اور انگلینڈ کے ایک ٹی ٹوئنٹی انٹرنیشنل میچوں میں کھلاڑیوں کی کارکردگی اور فٹنس دیکھ کر ورلڈ کپ کے لیے پاکستانی ٹیم کا اعلان کرے گا کیونکہ ورلڈ کپ کے لیے حتمی ٹیم بھیجنے کی آخری تاریخ 24 مئی مقرر کی گئی ہے۔
پاکستان اور انگلینڈ کا پہلا ٹی ٹوئنٹی انٹرنیشنل 22 مئی کو لیڈز میں کھیلا جائے گا، جس کے بعد ورلڈ کپ کے لیے ٹیم کا اعلان کردیا جائے گا۔
