انڈین پریمیئر لیگ 2024 میں چنئی سپر کنگز کے پلیئر مہندر سنگھ دھونی کو پہلی بار پنجاب کنگز کے بولر ہرشل پٹیل نے آؤٹ کیا۔ ہرشل نے انھیں پہلی ہی بال پر کلین بولڈ کرتے ہوئے گولڈن ڈک کی ہزیمت سے دوچار کیا، دھونی کے بولڈ ہونے کی ویڈیو سوشل میڈیا پر وائرل ہوگئی۔
ہرشل اس سیزن میں دھونی کو آؤٹ کرنے والے پہلے گیند باز بنے رائٹ آرم فاسٹ بولر نے چالاکی کا مظاہرہ کرتے ہوئے بالکل سلو یارکر سے دھونی کا استقبال کیا جسے وہ سمجھ نہ سکے۔
یہ بات بھی قابل ذکر ہے کہ اپنے ٹی ٹوئنٹی کیرئیر میں پہلی بار دھونی چنئی کی جانب سے نمبر 9 پر بیٹنگ کرنے کے لیے آئے تھے۔
Deceived 🤯
Reactions says it all as MS Dhoni departs to a brilliant slower one from Harshal Patel 👏
Watch the match LIVE on and 💻📱 | |
— IndianPremierLeague (@IPL)
ان کی عمدہ فارم کے باوجود شردل ٹھاکر اور مچل سینٹنر جیسے بولرز کو بھی ان سے آگے بھیج دیا گیا تھا، دھونی نے اس سیزن میں صرف 48 گیندوں پر 110 رنز بنارکھے ہیں۔
یہ دھونی کا اپنے آئی پی ایل کیریئر میں گولڈن ڈک پر آؤٹ ہونے کا چوتھا واقعہ تھا، احمد آباد میں گزشتہ سال گجرات ٹائٹنز کے خلاف آئی پی ایل 2023 کے فائنل میں بھی وہ گولڈن ڈک کا شکار ہوئے تھے۔
میچ میں ہرشل نے دھونی کو آؤٹ کرنے کا جشن خاموش سے منایا۔ بولر کا کہنا تھا کہ میں دھونی کی بہت عزت کرتا ہوں جب میں نے انھیں آؤٹ کیا تو جشن منانے کے لیے ان کے احترام کو ملحوظ خاطر رکھا۔
