0

یونیسیف کی سربراہ نے دورہِ اسرائیل ملتوی کر دیا

یونیسیف کی سربراہ نے کار حادثے میں زخمی ہونے کے بعد اسرائیل کا دورہ ملتوی کر دیا۔

ترجمان کے مطابق یونیسیف کی ایگزیکٹو ڈائریکٹر کیتھرین رسل منگل کے روز غزہ کی پٹی کے سفر کے دوران مصر میں ایک کار حادثے میں زخمی ہو گئی تھیں اور ان کے زخمی ہونے کی وجہ سے انہیں اسرائیل کا دورہ ملتوی کرنا پڑا ہے۔

ترجمان کرٹس کوپر نے کہا کہ رفح کے راستے میں ایک بڑے گڑھے سے بچنے کی کوشش کے باعث کار گہری کھائی پر جاگری اور پلٹ گئی جس سے کافی تکلیف ہوئی تاہم ان کی چوٹیں سنگین نہیں ہیں۔

انہوں نے کہا کہ رسل نے غزہ کے لیے سفر جاری رکھا لیکن پھر ڈاکٹروں نے طے کیا کہ انہیں مزید دیکھ بھال کی ضرورت ہے اس لیے انہوں نے خطے کا دورہ ملتوی کر دیا ہے جس میں انہوں نے اسرائیل بھی جانا تھا۔

الجزیرہ سے بات کرتے ہوئے رسل نے کہا کہ انہوں نے خان یونس کے ایک اسپتال کا دورہ کیا تھا اور انکلیو میں مزید ایندھن کی اجازت دینے کی اپیل کی تھی۔

اقوام متحدہ کی ریلیف اینڈ ورکس ایجنسی برائے فلسطینی پناہ گزینوں (UNRWA) نے کہا کہ اسرائیل نے UNRWA ٹرکوں کے استعمال کے لیے کچھ ایندھن کی اجازت دی ہے جو کہ انتہائی ناکافی ہے۔

Comments

اس خبر پر اپنی رائے کا اظہار کریں

Leave a Reply