0

تھریڈز نے صارفین کی بڑی مشکل آسان کردی؟

سوشل نیٹ ورکنگ پلیٹ فارم تھریڈز نے صارفین کی سہولت اور شکایات کو مد نظر رکھتے ہوئے پوسٹ شیئرنگ میں ایک نئی تبدیلی متعارف کرادی ہے۔

سوشل میڈیا صارفین کا کہنا ہے کہ تھریڈز کی جانب سے سیٹنگز میں متعارف کرائی گئی تبدیلی کے تحت اب وہ تھریڈز پر شیئر کی گئی پوسٹس کو انسٹاگرام اور فیس بک پر ظاہر ہونے سے روک سکیں گے۔اس سے قبل انہیں ایسا کرنے کا اختیار حاصل نہیں تھا۔

اگر آپ تھریڈز پوسٹ کو دوسرے میٹا پلیٹ فارمز پر شیئر ہونے سے روکنا چاہ رہے ہیں تو سب سے پہلے ایپ اسکرین کے اوپری دائیں جانب دو لائنوں پر کلک کرنا ہوگا۔

اس کے بعد پرائیویسی میں جائیں اور دیگر ایپس پر تجویز کردہ پوسٹ پر جائیں، اس کے بعد انسٹاگرام اور فیس بک پر آن اور آف کا آپشن ظاہر ہورہا ہوگا، اس کے بعد فیصلہ آپ کے اختیار میں ہے کہ آپ اسے بند کریں یا کھلے رہنے دیں۔

میٹا کی جانب سے تھریڈز فیچر کو بتدریج متعارف کرایا جا رہا ہے، اس لیے اگر صارفین کو یہ نیا ٹوگل اپنی ایپ میں نظر نہیں آتا ہے تو اپ ڈیٹ کے انتظار کی زحمت اُٹھانا ہوگی۔

صارفین کی شکایات کو مد نظر رکھتے ہوئے تھریڈز نے اکتوبر میں کہا تھا کہ پلیٹ فارم اپنے صارفین شکایات کو قریب سے دیکھ رہا ہے، جس کے بعد اب کمپنی کی جانب سے پوسٹس دکھانے یا چھپانے کا آپشن متعارف کرادیا گیا ہے۔

Comments

اس خبر پر اپنی رائے کا اظہار کریں

Leave a Reply